Daçiç: Vizita e Vuçiqit në Kosovë e suksesshme, Thaçi nuk do të vizitojë Presheven

10:43 | 11 Shtator 2018
Arbresh.info

Ministri i Jashtëm i Serbisë, Ivica Daçiç thotë se ka qenë i rrejshëm informimi se presidenti i Kosovës, Hashim Thaçi do të vizitojë Preshevën.

Madje, sipas tij ky lajm ishte një spekulim sa për të tërhequr vëmendjen nga vizita e suksesshme e presidentit serb, Aleksandër Vuçiç në Kosovë.

“Ishte një lajm i rremë që u botua për të tërhequr vëmendjen për vizitën e suksesshme të presidentit serb Aleksandar Vuçiç në Kosovë dhe Metohi”, tha Daçiç për TV Pink, transmeton Indeksonline.

Daçiç thotë se fakti se Serbia ndërton marrëdhënie të mira me Shtetet e Bashkuara nuk do të thotë se ajo do të prishë marrëdhëniet me Rusinë, ndër të tjera për shkak se Rusia ka një pozitë të fortë në Kombet e Bashkuara dhe pengon hyrjen e Kosovës në OKB duke vënë veto në Këshillin e Sigurimit.

Ai theksoi se politika bazohet në interesat e veta dhe se Serbia duhet të ketë marrëdhënie të mira me të gjitha fuqitë botërore me të cilat është e mundur.

Shpërndaje në rrjete sociale

Lajmet më të lexuara

Të ngjashme

Foto lajm